সদৌ অসম ছাত্ৰ সন্থা মুখ্য উপদেষ্টা সমুজ্জ্বল ভট্টাচাৰ্য্যলৈ ফোন গৃহ মন্ত্ৰী ৰাজনাথ সিঙৰ

Sharing is caring!

 

নাগৰিকত্ব বিধেয়কৰ বাতিলৰ দাবীত অটল অসম তথা উত্তৰ-পূবৰ খিলঞ্জীয়াৰ ব্যাপক নিৰৱচ্ছিন্ন প্ৰতিবা দৰ মাজতে বিষয়টো আলোচনাৰ জৰিয়তে মীমাংসাৰ বাবে সমুজ্জ্বল ভট্টাচাৰ্য্যক ফোনযোগে প্ৰস্তাৱ দিছে কেন্দ্ৰীয় গৃহ মন্ত্ৰীয়ে।

কিন্তু ৰাজনাথ সিঙৰ প্ৰস্তাৱৰ বিপৰীতে বিধেয়কখন বাতিলৰ দাবীতহে অটল থকাৰ কথা জনাই দিয়ে আছুৰ মুখ্য উপদেষ্টাগৰাকীয়ে।
“অবৈধ বাংলাদেশীক ৰক্ষণাবেক্ষণ দিয়া, অসম চুক্তিক উলংঘা কৰা জাতিধ্বংসী নাগৰিকত্ব সংশোধনী বিল যিকোনো প্ৰকাৰে বাতিল হ’বই লাগিব,” সিঙক এই কথা জনোৱা বুলি শুকুৰবাৰে চহিদ ন্যাসত আয়োজিত সংবাদমেলত সদৰী কৰে ভট্টাচাৰ্য্যই।
ভট্টাচাৰ্য্যই লগতে কয় যে ঐতিহাসিক অসম আন্দোলনৰ ফলশ্ৰুতিত সম্পাদিত ঐতিহাসিক অসম চুক্তি ৰূপায়ণৰ জৰিয়তেহে জলন্ত বিদেশী নাগৰিকৰ সমস্যাৰ স্থায়ী সমাধান হ’ব লাগিব।
গৃহ মন্ত্ৰী সিঙে ফোনযোগে অসমৰ বৰ্তমান পৰিস্থিতি সন্দৰ্ভতো বুজ লোৱা বুলি জনাই ভট্টাচাৰ্য্যই।
ইপিনে অহা ৩১ জানুৱাৰিৰ পৰা হ’বলগীয়া বাজেট অধিৱেশনত কেন্দ্ৰীয় চৰকাৰে বিলখন পুনৰ আনিব বুলি আশংকা কৰি ভট্টাচাৰ্য্যই ইয়াৰ বিৰুদ্ধে তীব্ৰ প্ৰতিবাদ হ’বই লাগিব বুলি দোহাৰে।
তেওঁ কয় ছাত্ৰ সন্থা আৰু ৩০টা জনগোষ্ঠীয় সংগঠনে অহা ২৩ জানুৱাৰিত লতাশিল খেলপথাৰত খিলঞ্জীয়াৰ ব্ৰজনিনাদ কাৰ্য্যসূচী গ্ৰহণ কৰিছে।

Related posts

Leave a Comment