গহপুৰত অসম জাতীয়তাবাদী যুৱ পৰিষদৰ বিক্ষোভ কাৰ্যসূচী

Sharing is caring!

ৰাজ্যিক গ্ৰামােন্নয়ন পঞ্চায়ত প্ৰতিষ্ঠান গহপুৰৰ ভাৰপ্ৰাপ্ত বিষয়াক বদলিকৰনৰ দাবী

আজি অসম জাতীয়তাবাদী যুৱ পৰিষদৰ গহপুৰ আঞ্চলিক সমিতিৰ উদ্যােগত আৰু স্থানীয় ৰাইজৰ সহযোগত গহপুৰ খাটবাৰীস্থিত এচ আই আৰ ডিৰ সমীপত এক বিক্ষোভ কাৰ্যসূচী প্ৰদৰ্শন কৰে। অসম জাতীয়তাবাদী যুৱ পৰিষদৰ গহপুৰ আঞ্চলিকৰ সভাপতি প্ৰাচুৰ্য বৰুৱা আৰু সম্পাদক কুমুদ দাস সহিতে স্থানীয় ৰাইজে গহপুৰৰ মহকুমাধিপতি কাৰ্যালয়ত মহকুমাধিপতি গৰাকীৰ হাতত এখন স্মাৰকপত্ৰ প্ৰদান কৰে।

যোৱা তিনিবছৰ ধৰি উক্ত কাৰ্যালয়টোত বিষয়া কৰ্মচাৰীৰ অনুপস্থিতি তথা গাফিলতিৰ বাবে পৰিত্যক্ত হৈ পৰাৰ অভিযোগ তুলি উক্ত স্মাৰক পত্ৰখন প্ৰদান কৰে।লগতে গহপুৰ আঞ্চলিকৰ অসম জাতীয়তাবাদী যুৱ পৰিষদে ৰাজ্যিক গ্ৰামোন্নয়ন ও পঞ্চায়ত প্ৰতিষ্ঠান গহপুৰ ভাৰপ্ৰাপ্ত বিষয়াক বদলি কৰক,উক্ত কাৰ্যালয়টিত নিয়োজিত হৈ থকা শিপিনী সকলক সংস্থাপন দিয়ক,কাৰ্যালয়টি পুনৰ উৎপাদনক্ষম কৰি তোলক আদি শ্লগানেৰে বিক্ষোভ প্ৰদৰ্শন কৰে।যদি অতি সোনকালে এই সমস্যা সমূহৰ ওপৰত বিভাগীয় কৰ্তৃপক্ষই গুৰুত্ব আৰোপ নকৰে তেন্তে পৰৰ্ৱতী সময়ত গনতান্ত্ৰিক প্ৰক্ৰিয়াৰে তীব্ৰ আন্দোলন গঢ়ি তোলাৰ হুংকাৰ দিয়ে।

Related posts

Leave a Comment