কাকপথাৰত ১২জন সন্দেহজনক বাংলাদেশী আটক::

কাকপথাৰত ১২জন সন্দেহজনক বাংলাদেশী

                              আটক

অসমখবৰ কাকপথাৰৰ পৰা বিদ্যুৎ বৰুৱা ৩১ জুলাই::

কালি এন.আৰ.চি খচৰা তালিকা প্ৰকাশ পোৱাৰ ২৪ ঘণ্টাৰ পিছতে তিনিচুকীয়া জিলাৰ কাকপথাৰত ১২জন সন্দেহজনক বাংলাদেশী আটক কৰা ঘটনাই জিলা খনত তীব্ৰ প্ৰতিক্ৰিয়াৰ সৃষ্টি কৰিছে৷ জানিব পৰামতে অৰুণাচল প্ৰদেশৰ তেজুত আজি বহুদিন ধৰি এই সন্দেহযুক্ত বাংলাদেশী কেইগৰাকীয়ে কামৰ সূত্ৰে আহি তেজুত নিয়োজিত হৈ আছিল। আটকাধীন সন্দেহযুক্ত বাংলাদেশী কেইজনৰ পৰা জানিব পৰামতে মৰিগাঁৱৰ নুৰুদ্দিন ছিদ্দিক নামৰ এজন ব্যক্তিৱে কামৰ সূত্ৰে অৰুণাচল প্ৰদেশৰ মাধৱ কৃষ্ণ নামৰ ব্যক্তি জনৰ ওচৰলৈ পঠিয়াইছিল আৰু মাধৱ কৃষ্ণই এই সন্দেহযুক্ত বাংলাদেশী কেইজনক কামত নিয়োজিত কৰিছিল। কালি এন.আৰ. চি খচৰা তালিকা প্ৰকাশ পোৱাৰ পিছতে আজি অৰুণাচলী লোকে এই সন্দেহযুক্ত বাংলাদেশী কেইজনক নথিপত্ৰ চাবলৈ বিচৰাত কোনো নথিপত্ৰ দেখাব নোৱাৰাত এই সন্দেহযুক্ত বাংলাদেশী কেইজনক অৰুণাচল প্ৰদেশৰ পৰা খেদি অসম-অৰুণাচল সীমান্তবৰ্তি দিৰাক গেটলৈ পঠিয়াই দিয়ে। দিৰাক গেটত আৰক্ষীয়ে AS 23 D 1517 নম্বৰৰ এখন ট্ৰাকত তেওঁলোকক কাকপথাৰ অভিমুখে পঠিয়াই দিয়ে যদিও মৰাণ ছাত্ৰ সন্থাই এই বিষয়ে খবৰ পাই উক্ত ট্ৰাক খন ৰখাই সন্দেহযুক্ত বাংলাদেশী কেইজনৰ পৰা নথিপত্ৰ নোপোৱাত কাকপথাৰ আৰক্ষী থানাত সমজাই দিয়ে। আটক কৰা ব্যক্তিকেইজন ক্ৰমে আব্দুল, ইকচামুল হুছেইন, ওমাৰদ্দোল হুছেইন, ওমৰ ফাৰুক, ইজাজোল হুছেইন, ছাহাৰব আলি শেখ, ৰফিকুল ইছলাম, বাহাৰুল ইছলাম, মোজামেল, হাব্দুলা, আব্দুল মণ্ডল আৰু আব্দুল হুছেইন।।

Related posts

Leave a Comment