লোকসভা প্ৰাক্তন সাংসদ সোমনাথ চেটাৰ্জীৰ মৃত্যু

Sharing is caring!

বিগত ৪০ দিন ধৰি চলি থকা চিকিৎসাৰ অন্তত সোমবাৰে পুৱাৰ ভাগত প্ৰাক্তন লোকসভা সাংসদ সোমনাথ চেটাৰ্জীৰ মৃত্যু হয় । মৃত্যুৰ সময়ত তেখেতৰ বয়স আছিল ৮৯ বছৰ। চেটাৰ্জী ১৪ তম লোকসভাৰ অধ্যক্ষৰ পদ অলংকৃত কৰাৰ লগতে ১০ বাৰ সাংসদ ৰূপেও নিৰ্বাচিত হৈছিল ।

সোমনাথ চেটাৰ্জী সম্বন্ধীয় কেইটামান বিশেষ তথ্য:-

১. সোমনাথ চেটাৰ্জীৰ জন্ম ১৯২৯ চনৰ ২৫ জুলাইত অসমৰ তেজপুৰত। তেখেতৰ পিতৃ নিৰ্মল চন্দ্ৰ চেটাৰ্জী আৰু মাতৃ বিনাপানী দেৱী। নিৰ্মল চন্দ্ৰ চেটাৰ্জী এজন অধিবক্তা তথা অখিল ভাৰতীয় হিন্দু মহাসভাৰ লগত জড়িত আছিল।

২. তেখেতে কলকাতা আৰু ব্ৰিটেইনত শিক্ষা লাভ কৰিছিল। তেখেতে ব্ৰিটেইনৰ পৰা আইনৰ ডিগ্ৰী লাভ কৰিছিল। ব্ৰিটেইনৰ মিডিল টেম্পলৰ আইনৰ ডিগ্ৰী লাভ কৰি পাছলৈ কলকাতা উচ্চ ন্যায়ালয়ত অধিবক্তা হিচাপে নিযুক্তি লাভ কৰে যদিও তেওঁ এই সকলো ত্যাগ কৰি ৰাজনীতিলৈ অহাৰ সিদ্ধান্ত লয়।

৩. সোমনাথ চেটাৰ্জীৰ ৰাজনৈতিক জীৱনৰ আৰম্ভণি ১৯৬৮ চনত চি.পি.এমেৰে কৰিছিল। তেওঁৰ ৰাজনৈতিক জীৱন বিৰোধাভাষাৰ লগত হৈছিল যদিও তেওঁৰ পিতৃ দক্ষিণপন্থী ৰাজনীতিৰ আছিল।

৪. পোন প্ৰথমবাৰৰ বাবে সোমনাথ চেটাৰ্জীয়ে ১৯৭১ চনত সাংসদ ৰূপে নিৰ্বাচিত হয়। তাৰপাছত তেওঁ ১০ বাৰকৈ লোকসভাৰ সাংসদ ৰূপে নিৰ্বাচিত হয়। ভাৰতীয় ৰাজনীতিত সোমনাথ চেটাৰ্জীয়ে এক মচিব নোৱাৰা ৰেখা অংকন কৰি থৈ গৈছে। ভাৰতীয় ৰাজনীতিত তেখেতে এক অতুলনীয় অৱদান আগবঢ়াই থৈ গৈছে। ৰাজনীতি ক্ষেত্ৰত সোমনাথ চেটাৰ্জী এজন সন্মানীয় নেতা ৰূপে পৰিচিত।

৫. চেটাৰ্জী ১৯৭১ চনত প্ৰথমবাৰৰ বাবে সাংসদ ৰূপে নিৰ্বাচিত হোৱাৰ পাছত তেওঁ প্ৰত্যেক লোকসভাৰ নিৰ্বাচনৰ বাবে নিৰ্বাচিত হৈছিল। ২০০৪ ত তেওঁ ১০ তম বাৰৰ বাবে লোকসভাৰ সাংসদ ৰূপে নিৰ্বাচিত হয়।

৬. চেটাৰ্জীয়ে ৩৫ বছৰলৈ এজন সাংসদ ৰূপে দেশবাসীৰ সেৱাত নিজৰ জীৱন উচ্ছৰ্গা কৰিছিল। যাৰ ফলস্বৰূপে ১৯৯৬ ত তেওঁক সৰ্বশ্ৰেষ্ঠ সাংসদ ৰূপে সন্মানীত কৰা হয়।

৭. ২০০৪ ত সোমনাথ চেটাৰ্জী ১৪ তম লোকসভাৰ অধ্যক্ষৰ পদৰ বাবে নিৰ্বাচিত হয়।

৮. সোমনাথ চেটাৰ্জীৰ পত্নীৰ নাম ৰেণু চেটাৰ্জী। তেখেতৰ এজন পুত্ৰ সন্তান আৰু দুগৰাকী কন্যা সন্তান আছে।

Related posts

Leave a Comment